AKARERE KA GAKENKE ISHURI:UMWAKA WA GATANDATU W’INDIMI(LKK)
UMURENGE WA COKO ITARIKI:17/04/2024
GS RWAHI TSS
ISUZUMABUMENYI RY’IKINYARWANDA RITANGIRA IGIHEMBWE CYA GATATU
1.Tahura ibiranganganzo byakoreshejwe mu mivugo ikurikira/ amanota 20
RUGORI RWERA
Rugori rwera nk’ inyange
Rumuri rw’ umutima wange
Ngwino twibanire
Ni wowe ntekereza amanywa n’ ijoro
Ni wowe umpora ku mutima,
Ngwino twibanire
Urukundo ngukunda
Ntirugira urugero,
Ngwino mbikwerurire
Mu mutima wange,
Ni uko waza , ukangira nkakugira
Shenge tukibanira
Nsigaye mpora nigunze,
Kubera kutakubona ,
Nk’ ubu nzahereza he?
Nshuti nikundira wintererana
Umva ijwi ryange unyibuke
Maze unzirikane
Menya ko amahirwe yange
Ari uko twazabonana shenge,
Agahinda mfite ntikazashira
Rugori rwera cyo banguka
Ngwino twibanire
Ngwino twibanire
Ngwino twibanire.
NTA HEZA NK’ IWANYU
Nta heza nk’ iwanyu
Ndahibuka iwacu imitozo idatuza
Ndahibuka inshongero imyitiro yaka
Ndayibuka iwacu amashashi asamara
Ndazibuka inyange zibumbiye urwuri
Ndazibuka izazo zitamba amanama
Ndabarora abo bana batamba batoshy
Ndabarora abo bangavu bivuna ivumbi
Ndabazi abashumba bashokana isheja
Ndabirora ibicaniro byica iyo ijisho
Ndazirora izo nkirane imirangano yotsa
Ndaharora hatewe agahinda kakica
Ndazirora izo nkongoro zakije inkongi
Ndabirora ngahumura impumu
Ndamurora nkazongwa murembuza
Ndayirora imivanda iva mu nda ikavuka
Ibe nziza isi y’ ino
Ibe nziza isi y’ iyo,
Ibe yuzuye imari
Ibe igurukamo indege
Ibe igenda abagwiza,
Ik’ ingenzi nkubwiye,
Umva mwana w’ i Rwanda:
Uge uzirikana cyane
Umubyeyi umwe wonse
Ikigendana n’ icyo,
Amarembo ajya iwanyu!
Ntawe uzaduhiga umuneza
Abasore binikije urugwiro
Bashiki babo basusurutse
Maze bakivunagura ingingo
Umushayayo n’ umuhamirizo
Amashyi agaserukira mu mudiho
Umuduri ukongeramo indi njyana.
- Ururimi shami ni iki ? Tanga ingero ebyiri. Erekana imvugo z’ uturere eshatu zivugwa mu Rwanda uvuge n’ utwo uturere zivugwamo/ amanota 6
- Sobanura umumaro nyakuzo n’ umumaro nyabusizi mu mimaro y’ ubwumvane witabaje ingero. / Amanota 4
- Andika amazina y’ abanyenganzo dukesha ibihangano bikurikira: / Amanota 10
a) Umusogongero
b) Inganji karinga
c) Umuririmbyi wa Nyiribiremwa
d) Humura shenge
e) Ikivugo k’ imfizi
f) Yaramutse umuvumbi imvura
g) Naje kubika u Burundi
h) None imana itumije abeshi
I) Umusi ameza imiryango yose
j) Ruhanga rutsindiye igihugu. - Garagaza intego n’ igenamajwi ku nshinga zitondaguye mu mpitagihe zigaragara mu nteruro zikurikira/ Amanota 20
a) Urubyiruko rwatojwe umuco w’ ubwumvikane
b) Mu itorero intore zahitorezaga imihamirizo y’ amoko yose.
c) Nk’ uko byagarutsweho n’ abayobozi ntawuzataha uko yaje.
d ) Umwami Kigeli yanze u Rwanda ariko Mibambwe we yanze agasuzuguro k ‘ abazungu.
e) Bampungishirije mu bihugu by’ abaturanyi.
f) Iyo myenda yadodesherejwe abageni
g) Ibibindi byose byujujwe imitobe. - Koresha inyandiko nyejwi kuri iyi nteruro:
” Byatorewe intambara y’ i Matare , Matambwe akuye imisakura i Matamiriro gutambara./ Amanota 10 - Hindura ingiro n’ indango y’ iyi nteruro
” Umwami yasimburaga Imana mu bantu”/ amanota 4 - Garagaza umumaro w’ amagambo aciyeho akarongo muri iyi nteruro
Aba banyeshuri bacu bacyura amanota n’ imico myiza./ amanota 3 - Uzuza interuro zikurikira/ amanota 8
a) Mu byivugo abo umuntu yatsinze ( yiciye) ku rugamba bitwa…..
b) Mu byivugo aho umuntu yatsimbaraye abandi bahunze agakomeza kurwana hitwa….
c)Mu byivugo iyo wahungaga ukagaruka gufasha uwasigaye ahanganye byitwa…..
d) Mu byivugo iyo utsimbaraye ugatabara ugatabara uwari yugarijwe n’ ababisha ukabamwamururaho byitwa….
e) Ingabo mu byivugo yitwa… cyangwa….
f) Amacûmu mu byivugo bayita ….. cyangwa……
g) Umuheto mu byivugo witwa…. cyangwa……
h)Imyambi mu byivugo yitwa….. cyangwa….. - Vuga amazina atanu y’ abami bahawe izina ry’ ubwami rya Kigeli/ amanota 5
- Amagambo : Abavûzi b’ âmacûmu , kwîica âmacûmu y’ îngabo asobanura iki mu nganzo y’ ibyivugo? / amanota 4
12. Sobanura mu mirongo itanu amateka y’ ibisigo nyabami/ amanot